شعر: همت شهبازی

 

شعر: همت شهبازی

اؤلوم اورادایدی،
سیگارانین جیلیز یانغیسیندا
ایکی بارماق ایله
دوداقلارین سومورماسیندا
هر زامانکی کیمی
منه باخیردی،
هر زامانکی کیمی
من ده اونا باخیردیم،

اؤلن‌لر
کؤلگه‌لرینی اسدیریردیلر
ساکیت آخان زامانین عقربه‌لرینده
نیلوفر قوخوسو اوزانیردی
دووارلاریندا کی اوستوندن
گئجه‌نین قارانلیغیندا
اولدوزلانیردی چیچک‌لری،
پاریلداییردی
اؤلومون دیب اوتاغیندا
سایخینلاشدیغی دوواریندان
اؤلوم قوندوغو ‌قارانلیق گئجه‌ده
بیر پیشیک باخیشی‌نین ایشارتیسی
آینایا جالانیردی،
یونگول،
اؤلچوسوز
و گؤزه گلمز

https://telegram.me/dusharge

 

ادامه نوشته

باندوروم (بندي روم / بند-ي رومي) #Bandurum (#bəndi_rum) یازان: همت شهبازی

 

باندوروم (بندي روم / بند-ي رومي)
#Bandurum (#bəndi_rum)

یازان: همت شهبازی

باندوروم (بندي روم) Bandurum (bəndi rum) (بند-ي رومي): باغ، و بند، هر بير يونگول اشيانين اطرافينا باغلانان «باغ». (عيني آداملارين بئلينه باغلانان قاييش کيمي). ائله بونا گؤره، بوگون ‌ده #موغاندا « #باندوروملو» کلمه‌سي، «باغلي»، «دسته‌لي» معناسيندا ايشله‌نير. ميثال اوچون « #بانک»لاردا پولو دسته‌له‌ييب هر بير دسته‌نين اوْرتاسيندا باغلانان «کاغيذ بندینه» «باندوروم» و يا «باندوروملو» و يا «بندي روملو» پول دئييلير.

بئله گومان ائديليرکي بو کلمه #آذربايجان #زرگرليينده ايشله‌نیرميش و بو سؤزون [ایندی ده ائله] موغاندا ايشلنمه‌سيندن بئله احتيمال وئريليرکي « #قارا باغ»دان کؤچوب بو بؤلگه‌يه (موغانا) گلن‌لر و يا خود قديم قاراباغ ماحالينا «يايلاق- قيشلاق» ائدن #موغان_شاهسون‌لري واسيطه‌سيیله گليب چيخميشدير. آذربايجانين قاراباغ ماحاليندا قيزيلين اوْلماسي بو ظنّي داها دا گوجلنديرير. و ايندي ‌ده ائله موغانين « #اونگوت üngüt» ماحاليندا «قاراباغ» کؤچري‌لريندن اوْلان بعضي طايفالار اوْ جومله‌دن « #شاهعلي_بيگلي طايفاسي»[نین #عاباساللی تیره‌سی] ياشاماقدادير. (بو طايفا و اوْنلارين اصيل يوردلاري اوْلان قاراباغ حاقدا معلومات وئرن ذووقلو عميم‌اوْغلو « #علي_شهبازي»نين دئديکلري و بو طايفا حاقدا چکديیي « #شجره‌نامه»دن استفاده ائتميشم).
.
آمما «باندوروم» و يا خود «بنديرومي bәndi-rumi سؤزو قديم آذربايجان زرگرليينده بير نؤوع بَزک و ياخود #دئکوْراتيو Dekorativ ناخيشلار ايميش. بو سؤز بير نؤوع صنعتکارليقدا ايشله‌مه‌يي ده معلومدور. بو سؤزون گويا ائله بو معنادا آيريجا سؤزلريله‌ ده علاقه‌دار اوْلماسي مومکوندور. مثلن «بنده‌م Bәndәm= باغ» «حالقاHalqa » کلمه‌لري کي بونلارين بوتؤولوکده بير عومومي و کوللي مفهوم داشيماسي واردير کي اوْ دا «قيفيللاماق» مفهومودور. و «باندوروم» دا ائله اينديکي موغان ماحالينين ديلينده همن معنادا يعني «باغلاماق، قيفيللاماق و دويونله‌مک» معناسيندا ايشله‌نير. بو مفهوملارين اَن چوْخ ايشله‌نه‌ني «باغ و دويون» سؤزلري‌دير. و بعضن «قيفيل‌گاه» سؤزونون (چوْخ آز) ايشلنمه‌سي ده گؤرونور.

خاطیرلاتمالییام بو اصطلاحی، هیجری 13.جو یوزایللیکده یاشامیش آذربایجان شاعیری #ابوالقاسم_نباتی‌نین بیر قصیده‌سینده ده ایشلنمه‌سینی گؤرموشم؛ و ائله بو شعردن ده اونون بوروق-بوروق بیر باغ اولماسی آنلامی اوزه چیخیر:

بندرومی یئرینه پیچ‌وخم زولف کیمی
دؤرد طرف یاغی یاتاغی، شب یلدا، یلدا
#zərgərlik #azərbaycanzərgərliyi
@dusharge

 

ادامه نوشته