آذربایجان شعرینده مدرنیزم کیتابیم حاقدا یادداشتلار

 

آذربایجان شعرینده مدرنیزم کیتابیم حاقدا یادداشتلار

 

 

• 

  ائلیار پولاد / poladelyar

  دیرلی انسان و ضیاللیمیزدان دیرلی کتاب... بوتون ادبیات اهلینه تبریکلر... اینانیرام بو کتاب هر بیریمیزین اوستول اوستو کتابی اولاجاق.... زحمتینیز تقدیره لاییقدیر سئویملی دوست...

 

 

• 

  سیما صمدی / sym_smdy 

• ودر نهایت بعداز دوروز انتظار،پستچی این کتاب ارزشمند را از تبریز به دستم رساند که در این روزهای سرد ورعب آور، گرما بخش زندگیمان شد ومن که ماههاست درسوگ مادرم هنوز خود را نیافته ام تنها مشاهده وخواندن چنین کتابی به زبان مادری می توانست حال دلم را خوب کند ، کتابی نفیس در دوجلد که حاصل ده سال عمر گرانمایه استاد همت شهبازی شاعر ،نویسنده،مترجم ومنتقد توانا که به نقد وبررسی بیش از سیصدجلد کتاب شعر ترکی پرداخته اند.
  آذربایجان شعرینده مدرنیزم
  ادبیاتیمزدا بویوک بیر حادثه دیر بو کیتاب ،منجه تکجه اون سوزی بیر درسلیک کیتابدیر.
  و بللی دیر کی اوخوجولاری بوم بول اولاجاقدیر.
  بئله بیر وطن ائولادینا فخر ائتمه لییک
  سونوندا
  سونسوز سایغیلاریملا
  ساوالانین ایگید اوغلو حورمتلی اوستادا اولو تانریدان اوزون عومور،جان ساغلیقی وآیدین گله جکلر آرزولاییرام
  
  آنا دیلی#آنا#آذربایجان شعرینده مدرنیزم#ادبیاتیمیز،همت شهبازی

 

ادامه نوشته

آذربایجان شعریندن مدرنیزم / سعید موغانلی

 

آذربایجان شعریندن مدرنیزم
ایکی جیلدده تنقید کیتابی
[نقد، تفسیر و تاریخ شعر معاصر آذربایجان]
همت شهبازی
انتشارات اختر / تبریز/ ۱۳۹۹

بو گون، چوخدان نشرینی آرزولادیغیم ایکی جیلدلیک قالین و دَیَرلی کیتابی تهرانین «اندیشه‌نو» انتشاراتیندان الده ائده بیلدیم. کیتابی اله آلاندا سایین فرزانه جنابلاری بویوردولار، کیتاب بئله اولار باخ! داها جزوه کیمی کیتابچا نشر ائتمه‌یین زامانی سووشوب! حقیقتا ده ائله‌یدی. کیتابین فهرستینه آیاق اوستو گؤز گزدیردیکده، گؤردوم‌ کی، یازیچی بیر اوستاد تنقیدچی کیمی تقریبا بوتون ایسته‌دیکلریم موضوعلارا توخونوب، دقیق آچیقلاییب و‌ اؤرنک‌لر گتیریب. فهرستی اوخویا-اوخویا کیتاب‌ساتیش ائوینده اولان دوستلارا دئییرم‌ کی، بو‌ کیتابلار یاخین گله‌جکده تکنیکی باخیمدان معاصر شعریمیزی نئچه قات یوکسلده‌جک. بونلار اصلینده درسلیک کیتابلاری اولمالی‌دیر. تکجه آذربایجاندا یوخ، بلکه ایرانین بوتون علمی مرکزلرینده و قونشو اؤلکه‌لرده تدریس اولمالی‌دیر.

کیتابدا، مدرن شعر نه‌دیر و اونون خصوصیات‌لاری و باشقا شعرلردن فرقی و اؤزللییی دانیشیلیر. اونون دقیق تاریخی مرحله‌لری، کئچمیشی و ایشیقلی طرفی قاباردیلیر و اؤرنک‌لر وئریلیر. آذربایجان چاغداش شعرینده مدرنشلمه جریانی هانسی مرحله‌لری کئچیب، هانسی چاغدان باشلاییب، گوجو و گوجسوزلویو هاردادی. نییه بیر سیرا شعر جریانلاری و سبک‌لری اوغور قازانا بیلدی و بعضی‌لری قازانا بیلمه‌دی!
عمومیتجه آذربایجان ادبیاتی‌نین مدرنلشمه گئدیشینده، آیدینلاتما، چاغداشلاشما و مدرنلشمه دؤورونده هانسی اثرلر یاراندی و اؤز ائتگیسینی بوراخا بیلدی و هانسیسا جیغیرلار گئدیملی اولا بیلمه‌دی.؟
باجاریقلی تنقیدچی کیتابیندا، بو‌ اوچ‌ مرحله‌نی اساس گؤتوره‌رک شعریمیزین گئدیشینی آراشدیریب‌دیر.
کیتاب، آذربایجان ادبیاتی‌نین اَن بؤیوک اوغورلاریندان بیری کیمی قیده آلینا بیلن بیر اثردیر. زامان کئچدیکجه اثر، اؤز یئرینی پروفسیونال ادبیاتچیلار و‌‌ هوسکار اوخوجولار آراسیندا تاپاجاق.
#یاشماق_سیرا_کیتابلاری طرفیندن بوتون دوستلارا بو کیتابلارین اوخوماسینی توصیه ائدیر و عزیز تنقیدچی، باجاریقلی آراشدیریجی دوستوم، اوستاد ادیب قارداشیم، سایین #همت_شهبازی جنابلارینا اؤز ادبی حیاتیندا داها بؤیوک اوغورلار، و‌ جان ساغلیغی آروزلاییرام.

درین سایقی و سئوگی ایله:
سعید موغانلی

 

 

ادامه نوشته

صالح عطایی (انستاگرام صفحه سیندن)

 

صالح عطایی

(انستاگرام صفحه سیندن) 

 

کیمی‌لرین بیرجه دوشوندویو دیلین ساغلام قورولوشودور؛ مدرن شعردن ده اولجه بونو ایسته‌ییرلر! کیمی‌لری مدرن شعر تاریخیمیزی بوتؤولمه گؤرمه‌مزلییه وورور، کیمی‌لری‌سه اونو اوخومادان، ایزله‌مه‌دن کوچومسه‌ییر... کئچن گون‌لرده بیر سانباللی غزل شاعیریمیز ده بئله بویورموشلار: مدرن شعریمیز تک‌سسلی و مونولوگ‌دور. شاعیرلرین هامیسی بیر بیچیمده و بیر دیلده یازیرلار...
منجه "آذربایجان شعرینده مدرنیزم" اثرینین بیرینجی دیری مدرن شعریمیزله یاخیندان ایلگیلنمه‌سینده‌دیر.
همت شهبازی‌یه گؤره حبیب ساهیر یئنی شعریمیزین بانی‌سی اولاراق، مدرن شعریمیز اوختای‌لا باشلاییر؛ ۷۰جی ایل‌لرده بؤیوک گلیشمه‌لر وار، بو اون ایلده استعاری، اسطوره‌وی و سوژئت دیلی‌له فرقلی شعر مجموعه‌لری یاییلیر. ۸۰ و ۹۰جی ایل‌لرده ائپیک شعر، بیلیمسل شعر، نانو شعر، جینسل شعر، قیسا شعر، انتئلئکتوال شعر، ناتورال شعر... و همت شهبازی بو ۱۲۰۰ صفحه‌لیک کیتابیندا بوتون بو شعر جریان‌لارینین فرقلی دونیا گؤروش‌لرینی، فورم‌لارینی، باشقا استئتیک‌ یؤن‌لرینی... آراشدیریب تانیتدیرماغا چالیشیر.
بو کیتابی اوخویوب بیتیرمک اوزون بیر یولجولوغو بیتیرمک کیمی‌دیر. و من کیمسه‌نین بو یولدان الی‌بوش قاییتماسینا اینانمیرام. البته هر بیر دیرلی کیتاب کیمی ده دارتیشیلاجاق قونولاری- اوجومله‌دن ائپیک شعره، فئمینیسمه یا موسیقی‌یه اولان گؤروش‌لری- چوخدور سانیرام.
همت شهبازی‌یه اوزون عؤمور و یئنی اوغورلار دیله‌ییرم.

  

 

 

ادامه نوشته

بؤیوک تنقیدچی: «سکینه برنجیان» / یازان: همت شهبازی

 

بؤیوک تنقیدچی: «سکینه برنجیان»
یازان: همت شهبازی

تخمینن ۱۳۷۲.جی ایلده تبریز دانشگاهیندا بین‌الخالق دیل ترجومه‌سی (و یا بونا بنزه‌ر بیر شئی) آدلی سئمیناردا آذربایجان جمهوریتیندن گلن پروفسور #واقیف_اصلانوف هر بیر اؤیرنجی‌یه «سکینه برنجیانی تانییرسان؟» سورغوسونو وئریردی. «تانیمادیم»- دئیه جاوابلار قارشیسیندا «واختیلا او بؤیوک تنقیدچی» اولوبدور دئییردی. سن دئمه #آذربایجان_ادبیاتی‌نین تنقید یوخ، اوسته‌لیک یارادیجیلیغی‌نین قیتلیق چاغیندا، بیر بؤیوک تنقیدچی یاشاییرمیش.

سکینه خانیم اصلینده گونئیلی اولاراق عؤمرونو خاریجده سورور و ۱۳۵۰.جی ایلده دونیاسینی دَییشیر. او دونیانین بیر چوخ جانلی دیللرینی بیلدیینه گؤره، بو دیللرده آذربایجان ادبیاتی حاقدا چیخان بوتون یازیلاری اوخویور. اوخوماقلا قناعت‌لنمیر. اوخویارکن اؤزو ده ادبیاتیمیزدا تنقیدین بوشلوغونو گؤرور و بو ادبیاتین تنقیدینی یازیر.

مرحوم #سلام‌الله_جاوید «دوستلار گؤروشو» کیتابی‌نین ۲۰.جی صحیفه‌سینده ۱۳۴۰.جی اون‌ایللیین ائولرده قورولان ادبی محفل‌لرینه اشاره ائده‌رک، سکینه خانیما دا بئله اشاره ائدیر:
“بو گؤروش‌لرین بیرینده آقای دکتر کاتبی واسیطه‌سیله معلوم اولدی کی کانادادان سکینه برنجیان آدلی بیر آذربایجان قیزی گلمیش، علمی تئز ایچون انگلیسی آذربایجان ادبیاتی یازماق ایسته‌یور. بو کتاب ایچون ماتریال توپلا[ماق] مقصدی وار. سونرالار خانم برنجیان ایله مکرر گؤروشوب ایسته‌دیگی معلوماتی وئردیک. او جدیتلی آذربایجان قیزی کانادادا کتابین چاپینه موفق اولدی. متاسفانه تعجیلی اجل اونون یاشاماسینا مانع اولدی. او کتابدان منده بیری موجوددی”.

مرحوم جاویدین اشاره ائتدیی کیتاب و اونون انگیلیزجه یازدیغی اثر، «دکتر #اسماعیل_فقیه » طرفیندن «ادبیات آذری و فارسی در آذربایجان ایران در سده‌ی بیستم» باشلیقلا ترجومه و نشر مرکز طرفیندن چاپ اولونوبدور. سکینه خانیم بو کیتابین چاپینی اؤز وصیتینده قئید ائدیر.

مرحوم برنجیانین اینجه باخیشلاری، دوشونجه‌لشمیش تنقیدی یئنی تنقید اوصول‌لارینی قاوراماسی کیتابین بوتون بؤلوملرینده گؤرونمکده‌دیر. او حتتا تاریخی قونولاری دا بئله، تنقیدی دوشونجه ایله آراشدیریر. داها دوغروسو اونون جومله‌لرینده دوشونجه بوشلوغو گؤرمک اولمور. بونا گؤره ده اصیل بیر تنقید گؤزلمی‌دیر (پرئسپئکتیوی‌دیر). اونون اثری ادبیات تاریخی دئییل. ادبیات تاریخی‌نین آراشدیرماسی‌دیر.بو آراشدیرمانی اصیل بیر قایناغا چئویرن ایسه، اونون دئدییی سؤزلرینه قایناق گؤسترمه‌لری‌دیر. کیتابین سونونداکی زنگین کیتاب‌شوناسلیق بؤلومو بونو تصدیقله‌ییر. اثرین ترجومه‌سی آخارلی بیر دیل داشییر. اونون اساس ایرادلاریندان، تورکجه یازی و شعرلرین املاجا یانلیش یازیلمالاری‌دیر. اؤرنک اوچون: اون دوققوزونجو عصیر = اون‌دوگوزونجی کیمی یازیلیبدیر.
بو تنقیدچیمیز عؤمرونو کانادادا کئچیرمیش و اورادا وفات ائتمیشدیر.

https://telegram.me/dusharge

 

ادامه نوشته

فرانک فرید.ایپک / خانیم الی (حکایه توپلوسو) / همت شهبازی

 

 

فرانک فرید.ایپک / خانیم الی (حکایه توپلوسو)

یازان: همت شهبازی

 

#فرانک_فرید #خانیم_الی حکایه‌لرینده حکایه‌چیلیک اوسلوبونو حادثه‌‌ مرکزلیکدن چیخاریر.#حکایه‌لر، حادثه‌‌لر اوزره قاباغا گئتمیر. اونون اساس قایغیسی حکایه‌نی یازیچی یا تحکیه‌چی تحکیه‌لری اوزره قورماقلا اوزرینه مقصد گؤتوردویو مضمونلا اویغون اولاراق #سوژئت‌لر اوره‌تمکدیر. بیز بو حِکایه‌لرده حکایه‌لرین حادثه‌‌لردن یاخا قورتارماسینی، سربست‌لشمه‌سینی گؤروروک. حادثه‌‌نی عوض ائدن سوژئت یازیچی‌نین یازارلیق قابلیت‌لرینی ده گؤستریر.

#خانیم_الی توپلوسونون بوتون حکایه‌لرینده قادین تصووراتی، اونا قارشی اولان باشقا جینسلی انسانلارین باخیشلاری قاباریلیر. بوتون بو آنلاری گؤسترمک اوچون یازیچی حکایه‌لرده حادثه‌‌ تؤرتمیر. حکایه‌لرده کاراکتئرلرین -بوتونلوکله قادین کاراکتئرلری- حیاتینی گرگین‌لشدیرن حادثه‌‌لر یوخدور. حکایه‌ده #توققوشما (کشمکش، جدال) و #تحکیه_حرکتی (عمل داستانی) ده یوخدور. یازیچی بوتون بونلارین یئرینه کاراکتئرلرین اولدوغو دورومو، توتدوغو مؤوقعیتلری روایت ائدیر. بئله اولان حالدا بیز اونون کاراکتئرلری‌نین داخیلی ائموسییالارینی، روحی چالخینتی‌لارینی، قادینا عاید اجتماعی قاداغالاری و فردی رئاکسییالاری گؤروروک. (بو حاقدا نمونه‌لر چوخدور). بونا گؤره اونون حکایه‌لری « #دوروم situasiya حکایه‌لری»دیر. حکایه‌لر بویو هر بیر کاراکتئرده عکس اولونان هر بیر دوروم نمونه‌وی و #تیپیک اولاراق اونا تای اولان باشقا انسانلاری دا احاطه‌‌ ائدیر. نمونه‌وی اولان قادین تیپ‌لری‌نین توتدوغو مؤوقعیتلری، یاشادیغی حیاتی تکجه حکایه‌ده گئدن کاراکتئرلره عاید اولدوغونو سانماق یانلیشدیر. چونکو توپلومدا بونلارا تای سایسیز قادین نمونه‌لرینی، یا اونلارا عاید اولان باشقالارینین باخیش نمونه‌لرینی تاپماق چتین دئییل. بونا گؤره بو حکایه‌لرده اولان دوروملار عمومی حال داشییاراق اونلارین خاراکتئر اوخشارلیقلارینی دا گؤسترمک اولار.

 

 

ادامه نوشته

اونوتقانلیق (آلزایمر) رومانینا کیچیک یادداشت / اثرین یازاری: احمد خیرالله‌پور یازان: همت شهبازی

 

اونوتقانلیق (آلزایمر) رومانینا کیچیک یادداشت / اثرین یازاری: احمد خیرالله‌پور

یازان: همت شهبازی

 

رومانین ایلک بؤلومونده اولان نحوی نؤقصانلاری گؤردوکده اونون سوناجاق اوخویاجاغیمدا شوبهه ائدیردیم. آنجاق گئت گئده نیسبی ده اولسا حالیمی یاخشیلاشدیردی. چونکی بو نؤقصانلار آزالدی. اثرین تحکیه‌وی دیلی (زبان روایی) ایسه جومله‌لرین نحوی قورولوشونا اوستون گلدی. تحکیه‌وی اوسلوبون (سبک روایی) یاردیمینا اثرده اولان تئما دا چاتدی. بو ایکیسی‌نین پارالئل‌لییی ایله اوخوجونو آردیجا چکن رومان ادبيّاتیمیزدا اؤزونه مخصوص یئر توتاراق قبول نؤمره‌سینی آلا بیلدی.

 هر شئیی بیلن اوچونجو شخص دیلی ایله سؤیله‌نن رومان کاراکتئرلرین، موحیطین، زامانین بوتون گیزلی یئرلرینه باش چکه بیلیر. اونلارین حتتا گیزلی سؤزلرینه اورک‌لریندن اؤتن بوتون گیزلی‌لیکلرینه ال تاپیر.

 رومانین ایلک بؤلومونو گئریده قویدوقدان سونرا اوخوجو هئچ بیر چتینلیک چکمه‌دن آخارلی بیر اوخو سیستئمی ایله ایره‌لیله‌یه بیلیر. ایلک بؤلومو اونا گؤره استثنا ائدیرم کی یازیچی‌نین بو بؤلومده هم جومله ایچی نحوی اجزالارین یئرینی دقیق‌لشدیره بیلمه‌ییب‌دیر، هم ده سونراکی بؤلوملرله موقایسه‌ده بو نؤقصان داها قاباریقدیر. اوخوجو بو اوسلوبا آلیشدیقدان سونرا آخیجی بیر تحکیه‌وی اوسلوبلا راستلاشیر.

 ایلک اوخونوشدا #ساراماگونون #کورلوق اثری‌نین اوزوندن یازیلدیغی گؤرونور. بونو ...

 

ادامه نوشته