تویوغ‌لار کیتابی همت شهبازی‌نین آراشدیرماسی ایله یاییملاندی
تویوغ‌لار (tuyuğlar) کیتابی همت شهبازی‌نین آراشدیرماسی ایله یاییملاندی
تویوغ‌لار (قاضی برهان‌الدین احمد)،
همت شهبازی،
بوتا یاییم‌ائوی- 1395
بوتا یاییم‌ائوی طرفیندن قاضی برهان‌الدین احمدین «تویوغ‌لار»ی (tuyuğlar) همت شهبازی‌نین آراشدیرماسی ایله چاپ اولدو.
بو کیتاب، 65 صحیفه‌لیک اؤن‌سؤزله مختلیف قایناقلارا او جومله‌دن مختلیف ال‌یازمالارا اساسلاناراق بیر تدقیقی اثر کیمی ایشیق اوزه گؤردو. اثرده ۸٫جی هیجری یوزایللیینده یاشاییب-یاراتمیش آذربایجانین حکمدار شاعیری قاضی برهان‌الدین احمدین یاشاییشی، آذربایجانین اسکی شعر قالیب‌لریندن اولان «تویوغ« قالیبی‌نین کئچمیشی و نئجه‌لییی آچیقلانمیشدیر.
اثری احتیوا ائدن قونولار بونلاردیر:
قاضی برهان‌الدینین یاشامی- قاضی برهان‌الدینین اثرلری- تویوغ نه‌دیر؟- قاضی برهان‌الدین تویوغ‌لاری‌نین اؤزللیک‌لری - قاضی‌برهان‌الدینین ادبی دیلیمیزده رولو- قایناقلار- تویوغ‌لار (متن).
کیتابین ساتیش یئرلری:
تبریز - اختر نشریاتی
اورمو- بوتا یاییم‌ائوی
بو وئبلاگ ادبی - نظری وئبلاگ دیر بو ساحه لرده بوتون یازی لاری قبول ائده رک یازارلارین اؤز آدلاریلا یایماغا حاضیردیر