نقد_شعر_معاصر_آذربایجان درسلیک
#دنیز_صمدپور ، تبریز دانشگاهی نین آنا دیلیمیزده #آذربایجان_دیل_و_ادبیات رشته سینده ایلک قبول اولوب اوخویانلاردان بیری دیر. بو مدتده، دیلیمیزین یازی قایدالارینی و قراماتیکاسینی اونون طرفیندن اوستاجا استفاده ائتمه سی منیم دیققتیمی چکه رک، بونون سببینی بو دیلده تحصیل آلماسیندا گؤرورم.
نئچه آی بوندان قاباق همی ده منه سئویندیریجی بیر خبر وئردی. منیم #نقد_شعر_معاصر_آذربایجان کیتابیمین بؤیوک شاعیرلریمیزه حصر اولونموش #سهند و #ساهیر بؤلومو #ترم_درسلیک لری معرفی اولاراق اوخوماغینی تکلیف ائتمیشلر حؤرمتلی اوستادلاری جناب #دوکتور_خاکپور. بونو ائشیدنده بیر داها اؤیرنجی اولماق آرزوسونو یاشادیم. اؤزو ده #آنا_دیللی_ادبیاتیمیزین اؤیرنجیسی کیمی.
#
بیر آز دا مزه قاتیم بو یازییا:
گؤیلوم ایستردی کیتابین بو بؤلوملرینی اوخویان #اؤیرنجی لرین منفی و مثبت رئاکسییالارینی ائشیدم.
او زامانلار معرفی اولونان بیر کیتاب بیز اؤیرنجی لرین اوره یینجه اولمایاندا مؤلفینی یامان یووزا باساردیق.
#آنا_دیلیمیزده منه دئییلن یامان یووزلاری جان و دیلدن ائشیتمک آرزوسوندایام. نه قدر شیرین اولاردی بو یامانلار آخ خ خ خ…
###
👇👇👇👇👇👇
ی.س: ایندیجه بیلدیم کی بو کیتابین تانیتدیرماسیندا عزیز دوستوم #رسول_اسمعیلیان جنابلاری نین امه یی اولموش. اونا و اثرلریمیزی تانیتدیران و امه یی کئچن بوتون دوستلارا منتدارام.
بو وئبلاگ ادبی - نظری وئبلاگ دیر بو ساحه لرده بوتون یازی لاری قبول ائده رک یازارلارین اؤز آدلاریلا یایماغا حاضیردیر