آذربایجان بایاتیلاری همت شهبازی
آذربایجان بایاتیلاری
همت شهبازی
کیتابین بایاتیلارینی اینانیلماز بدیعی بیر دیلله فارسجایا چئویرن سبزوار دوغوملو شاعیر سعید سلطانپورون بیر شئیینه شاشدیم قالدیم. تورکجهنی بیلمهدن بایاتیلارین دیلینده اولان اینجهلیکلری دویمادان و یالنیز اونلاری اوزهواری مضمون ترجمهسینی باشقاسینین دیلیندن آلیب ترجمه ائدن سعید سلطانپور نئجه ده اینجهلیکله بو بایاتیلاری فارسجایا ترجمه ائتمیش!
1.
بوردان بیر آتلی کئچدی
آتین اویناتدی کئچدی
آی کیمی شفق ساچدی
گون کیمی باتدی کئچدی
ترجمه:
سحر آمد سواری از برِ دشت
دمی جولان گرفت و تند بگذشت
چو مهتابِ سحرگاهان شفق ریخت
چو خورشیدِ شبانگاهان به در گشت
2.
عزیزیم اویان داغلار
آلیاشیل بویان داغلار
بو یان ظولمتخانادیر
نئجهدیر او یان داغلار؟
ترجمه:
هلا ای کوهسارِ خفته، برخیز
به دامن، لال و ریحان بیاویز
در این سو باغ، ظلمتخانهی درد
بگو زان سو ز حال باغ و کاریز
کیتابین اؤنسؤزونو یازان دَیرلی انسان حبیب فرشباف بو بایاتیلاری ترجمهچی اوچون یازیب وئریر. بایاتیلارین چوخو خالق بایاتیلاریدیر. آنجاق ایچهریسینده بللی اولان بعضی بایاتیلار واردیر کی اونلار معلوم اولدوغو اوزره حبیبعمینین اؤز یازدیغی بایاتیلاردیر. حبیب عمینین یازدیغینا گؤره وئریلن بایاتیلارین سایی 50 دنه اولمالی ایدی. آنجاق 26 بایاتینی کاسئت اوزریندن یازییا گتیریلهرک قالانلارینین دا تاپیلماسینی آرزو ائتمیشلر. حبیب عمی قیسا بیر یازیدا همی ده ماراقلی مقاملارا توخونوبلار. اونلاردان بیرینه اشاره ائدیرم:
40 و 50.جی اونایللیکلرده آذربایجاندا داغچیلیق بؤیوک بیر سیاسی و مبارزهوی مکتبه چئوریلدیینی وورغولایاراق ائولهنن «بی-گلین»لر ده بال آیلارینی بیر هفتهلیک «بابک» قالاسینا قوناق اولورموشلار. او زاماندان هر بیر یئنی ائولهنن کیمسهلر اوچون زارافاتیانی یئنی بیر آنلاییش دا یارانیر:
«فلانکس ده قالایا گئتدی!». یعنی کی «ائولندی»!»
موغان- 14/1/1401
بو وئبلاگ ادبی - نظری وئبلاگ دیر بو ساحه لرده بوتون یازی لاری قبول ائده رک یازارلارین اؤز آدلاریلا یایماغا حاضیردیر