فریدون بی کؤچرلی
فریدون بی کؤچرلی
۱۹۰۳ ده یازدیغی بیر مقاله‌سینده ۲۵ ایل اؤنجه #تورکجه‌ده چاپ اولان #اکینچی قزئتی‌نین آیدینلادیجی رولونو، گؤزلری گؤتورمه‌ین گئری قالمیشلار طرفیندن تنقید یوخ، ترسینه یامان یووز آتشینه توتانلاردان یازیر. ۲۵ ایل سونرا یئنه ده تورکجه‌ده #شرق_روس قزئتی چیخاراق کوتله آراسیندا گئنیش اوخوجو قازانیر. بو دفعه هامی بو قزئتین آیدینلادیجی رول اوینادیغینا گؤره اونلاری یامان یوووز یوخ، تعریف ائتمه‌یه باشلاییرلار. #کؤچرلی ۲۵ ایلین ایچینده ملتی آییلتما جریانینا گؤره قزئت‌لرین اؤنملی رولونو وورغولایاراق اوخوجو دوشونجه‌سی‌نین ده آز مدتده دییشیلمه‌سینی خصوصی وورغولاییر.
بو قزئت‌لر آنا دیلیمیزده چاپ اولدوقلاری اوچون اوخوجولارینی دا بو یولا یؤنلندیرمه‌یی باجاریرلار. دئمک یازیچی اوخوجونو ایسته‌دییی کیمی یئتیشدیره بیلیر.
#اکینچی قزئتینده تبلیغ اولونان یئنی علم‌لر تحصیلینی یامان یووزلا جاوابلاندیران هادی‌الامذلین قاراباغی (Hadi-əlmüzəllin qarabaği) کیمی گئریچی شاعیرلرین آرتیق آدلاری دا تاریخدن سیلینیبدیر. آنجاق اکینچی‌نین یولو بو گون ده داوام ائتمده‌دیر.
#همت_شهبازی
1400.12.28 müğan
#تورکجه_یاز #آنادیلی
بو وئبلاگ ادبی - نظری وئبلاگ دیر بو ساحه لرده بوتون یازی لاری قبول ائده رک یازارلارین اؤز آدلاریلا یایماغا حاضیردیر