شعر: همت شهبازی گیزلی اوره ک
شعر: همت شهبازی
گیزلی اوره ک
دئییرسن:
سئودانین آیریمیندا
ماوی گؤیله دنیزین
قارین-قارین اوتوروشونا باخ!
بیلیرسن:
منده دنیزین قدرتی یوخ
سویوق مئشه نین اوزونه چیرپام.
گؤیون گئنیش لییی یوخ
ایلیق اوره ییمی ایسیندیرم
اللریمده:
بوشلوق تومورجوغو.
دیلیمده:
یالنیزلیق نغمه سیندن باشقا
تحفه م یوخ.
اوره ییمی گیزلتمیشم
و سئوگی لریم
سارماشیق کیمی
ساریلیبدیر اوره ییمه
+ نوشته شده در شنبه ۱۳۹۹/۰۲/۰۶ ساعت 21:27 توسط هـ.شهبازی
|
بو وئبلاگ ادبی - نظری وئبلاگ دیر بو ساحه لرده بوتون یازی لاری قبول ائده رک یازارلارین اؤز آدلاریلا یایماغا حاضیردیر