#اوستاد_یحیی_شیدانین عزیز خاطیره‌سینه

(۲۷مهر #اوستاد_شیدانین دونیاسینی دییشیدییی گوندور)

 

همت شهبازی



۷۰.جی اون ایللیین ادبیاتینی اؤزو ده #مدرن_ادبیاتینی یارادانلارین اوزرینده رحمتلیک #یحیی_شیدانین #مهد_آزادی قزئتینده تورکجه صحیفه‌سی و همین قزئتین "#آدینه" صحیفه‌سینی چیخاران #قاسم_تورکان جنابلاری‌نین بو گنج‌لرین اثرلرینی یایماقدا چوخ دانیلماز رول‌لاری وار ایدی.

یوخاریدا کی ایلک فوتو منیم ۱۳۷۰ده #فروغ_آزادی قزئتینه #اوستاد_شیدانین قوللوغونا یوللادیغیم شعردیر. یئنیجه یازماغا باشلامیشدیم. #اوستاد_شیدا هئچ کیمین مکتوبونو جاوابسیز قویموردو. همین شعری ۱۳۶۹ دا دا قوللوغونا یوللامیشدیم. حاییف کی اونون جاوابینی تاپا بیلمه‌دیم. اما منه یازمیشدی:

#جناب_شهبازی_یوللادیغین_شعرین_وزنی_والای_وئریر.

ادبی یاشاییشیمدا بو من اوچون ان شیرین خاطیره‌دیر.

سونرا شعرین اوزرینده ایشله‌دیم. یوللایاندان سونرا یوخاریدا کی جاوابی یازدی قزئتده. منیم اوره‌ییمی سیندیرماسین دئیه ایکی بیت ده شعریمدن چاپ ائتمیشدی.
همان ایلده ۷۰‌جی ایلده #تبریز_دانشگاهینا قبول اولدوقدا داها آرتیق اوستادین گؤستریش‌لریندن استفاده ائتدیم.

گؤره‌سن ان آزیندان بیزیم نسیل سنه نانکور چیخمایاجاق کی عزیز #اوستاد.

ایچیمده #بیر_آنلیق_سوکوتلا عزیز خاطیره‌نی آنیرام اوستاد.

یوخاریدا سؤزو گئدن اوستاد یحیی_شیدانین جاوابی فروغ آزادی قزئتی ۱۶ خرداد ۱۳۷۰ نؤمره ۲۹۴ ده مکتوبلار بؤلومونه اشاره‌دیر.

https://telegram.me/dusharge