شعر: حميد شهانقي 


سون قويماق ايسته‌ديم 
سونسوزلوغوما 
اوچماق ايسته‌ديم 
قيرخ آلتي تون‌لوق داش باغلاديلار 
  قانادلاريما 
سانكي بابالاريمين تؤره‌مه‌سي دئييلديم 
ياشاديم قانسيزـ دامارسيز.
قيرخ آلتي تون‌لوق بير 
گوناه بوينومدا 
  ـ آغلاديم ايچين‌ـ ايچين 
  ـ پيچيلداديم آستاـ آستا 
  ـ دانيشديم قورخاـ قورخا 
  ـ باغيرديم اوجاـ اوجا 
  ـ بوغولدوم آجي‌ـ آجي


يازار هـ.شهبازی سه شنبه 1388/04/09 ساعت 22:29 /لینک/(نقل با قيد منبع وبلاگ آزاد است)