دوشرگه dusharge

مدرن شعریمیز – 23 ( یئکون )

مدرن شعریمیز و اوختای

همت شهبازی

آرتیق مدرن شعریمیز و اوختای حاقدا موباحثه لی گونلرین سونا یئتیشدیک. بو حاقدا هله ده دئییله سی سؤز واردیر. آیدین دیر کی بورادا ایره لی سورولن دوشونجه و آراشدیرمالار آذربایجان ادبیاتیندا ایلک اولاراف گؤز اؤنونه گلدی. بورادا فیکیر آیریج لیغی اولدو. بودا طبیعی دیر. چونکو ادبیاتدا موطلق بیر فیکیر یوخدور. سؤیله نن فیکیر نسبی لیک داشییر. اساس بودور کی بو موباحثه لر بیزیم ادبیاتیمیزا گیردی. اؤزوده تام ساغلاملیق و باشقالاری نین حؤرمت و حضورونو قاوراییب ساخلایاراق. بوردا فیکیر صاحیب لری، بیربیری نین شخصیتینی تخریب ائتمه دن یالنیز و یالنیز اؤز فیکیرلرینی ایره لی سوردولر. بو ادبیاتیمیزدا منجه بؤیوک اوغوردو. آراشدیرمالاردان نتیجه چیخاران ایسه، اوخوجولاریمیز اولاجاقدیر. ...

آردي وار/ardı var >>>

يازار هـ.شهبازی پنجشنبه 1386/11/04 ساعت 0:11 /لینک/(نقل با قيد منبع وبلاگ آزاد است)

مدرن شعریمیز - 22

·      اوختای

·        ناصر مرقاتی

اؤنجه حؤرمتلی دوستوموز همت بی شهبازينين قيسسا آما يئترلی مقاله لرينده گؤردوك كی، مودئرنليك كؤهنه ليك، دَب، اؤزونه گؤره ياسا و ساياق ياراتميش توپلومسال نسنه لر، دوشونجه لر، دئييملر، ائديملر و ايليشگيلر قارشيسندا معنا تاپير. ادبيات و هونر توپلوم آرا بير قونو، ايليشگی و دوشونجه اولاراق اوروپادا افلاطوننان بری اؤزونه گؤره بير سيرا اؤزلليكلر و قانونلار ياراتميشدی. ادبيات و هونرده، بو اؤزَليكلر و قانونلارين گؤزلنيلمه سينه كلاسيزم دئييلميشدی....

آردي وار/ardı var >>>

يازار هـ.شهبازی سه شنبه 1386/11/02 ساعت 0:15 /لینک/(نقل با قيد منبع وبلاگ آزاد است)

مدرن شعریمیز – 21

هئچ كيم بت دئييل دير !

ارسطو مجرد

من اؤنكي يازيلاريمدا  معين آچي دان آراشديرديقدا بعضي دانيلماز فاكتلار اوزره  گؤسترديم كي اوختاي، «مباريز، چيريك و قهرمان» ساييلا بيله ر و اونون آزاجيق يازديغي شعرلريني  گله نكسل شعر چرچيوه سينده قيمت لنديرمك اولار، آنجاق اونون  مدرن شاعير و ائله جه ده مدرن شعرين باشلانقيج نؤقطه سي  اولماغينا هئچ بير  اساس گؤرمه ديكده اونون مدرن اولماغينا شوبهه ايله ياناشديم ....

آردي وار/ardı var >>>

يازار هـ.شهبازی چهارشنبه 1386/10/26 ساعت 1:25 /لینک/(نقل با قيد منبع وبلاگ آزاد است)

مدرن شعریمیز – 20

·       ايشيق آدلی شعر كتابينا گؤره

·        ناصر مرقاتی

 1357 نجی ايلين سونلاريندا اوختايين شعرلری «ايشيق» آديلا چاپا وئريلدی. سياسی اولايلاردا ايتيب باتميش سانيلان شعرلرين چاپ اولماسی بؤيوك بير قوپو (حادثه) ايدی. آما حئييف اولسون كی، ايش تـَلـَسيك و ائديت مسئوليتسيزجه سينه اولدو. شعرلرين بير چوخوندا ال آپاريلدی، اؤرنك اوچون، ائله دوستوموز همت شهبازی يازديغی «قورد و شهر» شعرينين دؤرد مصراعسينا باخديقدا بونو آيدينجاسينا گؤرمك اولور...

آردي وار/ardı var >>>

يازار هـ.شهبازی سه شنبه 1386/10/25 ساعت 0:22 /لینک/(نقل با قيد منبع وبلاگ آزاد است)

مدرن شعریمیز - 19  

    اوختايين زامانی و چاغينا گؤره دوشوندوكلری

ناصر مرقاتی

اوختای «دورنالار گئچنده/ 30 . 2 . 1342»،  «سينيق/ 45 نجی ايلين يازی» و «قورد و شَهَر/ 27 . 8 . 1345»  شعرلرينده دئموكراتليق و او دؤورون آجيلارينا آجيليقلا ياناشير. سورگونلوك، آيريليق، حسرت، قورخو و خالقا اولوندوغو خيانت آچيقجاسينا بو اوچ شعرينده گؤرونور. آيديندير كی بئله بير حيسلرله او، نه روسلارا و نه ده دينج اوتوروب الينی الينين اوستونه قويان كؤچوموش دئموكرات ضياليلار و اولارين داها ادعاليسی اولان شاعير و يازيچيلارا و هابئله ايراندا اوتوروب قوزئيین شعرينی يانسلييان و قارداش حيزبين آرخاسيندا سينه ووروانلارا، خوش گؤزله باخميردی.

آردي وار/ardı var >>>

يازار هـ.شهبازی شنبه 1386/10/22 ساعت 23:34 /لینک/(نقل با قيد منبع وبلاگ آزاد است)

مدرن شعريميز- 18

"قورد و شَهَر" شعرينه قيسسا بير باخيش

ناصر مرقاتی

قورد و شَهَر شعری تکجه بير شعر دَيير؛ اوچ پرده ده اولان بير تراژيک تئاتر، خالق آغيلارينين لاپ جان يانديريجيسی، بير رسامين فيرچاسيننان قوپان تابلونين اوچ بؤلومو و شعر ديلينن، تاريخيميزده أن رئال اولايلاردان بيرينين حسی انعکاسی دير و شعريته گلديکده، لاپ تازا و يئنی اولان شعر فورمودور.

شعر اوچ بؤلومده گؤرسه ديلمكده دير؛ دئمك تاريخيميزده اوچ آجی گونون حكايه سيدير. ...

آردي وار/ardı var >>>

يازار هـ.شهبازی سه شنبه 1386/10/18 ساعت 23:8 /لینک/(نقل با قيد منبع وبلاگ آزاد است)

مدرن شعریمیز – 17

اوختای  شعارچی  دئییل

همت شهبازی

ژان پول سارتر واختیلا دئمیشدی: «بیر گون قلم دایانماق زوروندا قالاراق دان یازارین سیلاح گؤتورمه یی گره کلی اولاجاقدیر» (ادبیات نه دیر کیتابی). سارتر بو سؤزله صنعتکارین سیلاح گؤتورمه یینی یوخ، ادبیاتین نه درجه ده عؤهده چی (متعهد) اولماسینی قاباردیر.

سئویملی دوستوم ارسطو بی یین یاناشدیغی بعضی دوشونجه لری حاقدا کئچمیش یازی لاریمدا اؤز فیکیرلریمی دئمیشم. شارل بودلئر، دئکارت ... کیمی باتی مدرنیست لری نین دوشونجه لری حاقدا، و اونلارین مدرن اولدوقلارینی آچیقلامیشدیق. (اوختای: مدرن شعریمیزین باشلانغیجی، یازیسی) آنجاق «مدرنیته» سؤزونو ایلک دفه «هئگئل» ایشله دیر. (علی آکای، مدرن لیین باشلانغیجی) بونا گؤره «مدرن لیک، مارکس و هئگئل کیمی دوشونورلره گؤره غرب کؤکن لی دیر» فیکرینده قالیرام. ...

آردي وار/ardı var >>>

يازار هـ.شهبازی پنجشنبه 1386/10/13 ساعت 0:8 /لینک/(نقل با قيد منبع وبلاگ آزاد است)

مدرن شعریمیز – 16

اوختاي، دوشوندويو كيمي

ارسطو مجرد

سانلي دوستوم  شهبازي  همت جنابلاري ! من سيزين ماركسين دوشونجه سينده كي  اينساني  ديه رلر باره ده  سؤيله ديكلرينيزله قيسمن ده اولسا راضي يام ( هر چند  بو سؤزونوزله كي : «مدرن لیک مارکس و هئگئل کیمی دوشونورلره گؤره غرب کؤکن لی دیر.» ياديما  شارل بودلئر، دئكارت، وئبئر و دوركهايم كيمي فيلوسوفلار دوشنده راضي لاشا بيلميره م)  و بيليره م كي  دؤولت سوسياليزمي نين دونيانين بير چوخ يئرلرينده مغلوبييته اوغراماسينا باخماياراق، مارکسين تحليللري اؤز اعتيباريني قوروماقدادير. ...

آردي وار/ardı var >>>

يازار هـ.شهبازی دوشنبه 1386/10/10 ساعت 15:13 /لینک/(نقل با قيد منبع وبلاگ آزاد است)

 مدرن شعریمیز – 15

آردي وار/ardı var >>>

يازار هـ.شهبازی پنجشنبه 1386/10/06 ساعت 1:16 /لینک/(نقل با قيد منبع وبلاگ آزاد است)

مدرن شعریمیز – 14

اوختای : ایدئولوژی دن قیراق شاعیر

همت شهبازی

حؤرمتلی دوستوم ارسطو بی، علیرضا اوختایی فورما باخیمیندان (شوبهه ایله اولسادا) بیر مدرن شاعیر اولدوغونو قبول ائدیر. بئله لیک له بو حاقدا دارتیشالی مقام یوخدور. آنجاق اونون شعری نین مضمونونو نظره آلدیقدا، شعریندن قیراق ایدئولوژیک یاشامینی قونویا داخیل ائتمه لییک می؟

ارسطو بی، اوختایین شعر دوشونجه سینه ایدئولوژی باخیمیندان یاناشیر. اونون دوشونجه سینده کی ایدئولوژیک آنلام البتده اؤزلویونده دارتیشالی بیر قونودور. آنجاق اونو، اوختایین شعریله جالاشدیرماق اولارمی؟

آردي وار/ardı var >>>

يازار هـ.شهبازی شنبه 1386/10/01 ساعت 22:57 /لینک/(نقل با قيد منبع وبلاگ آزاد است)

مدرن شعریمیز - ۱۳

اوختايا مدرن شاعير دئمك اولارمي ؟

ý    ارسطو مجـــــــــرد

  شاعيرعليرضا نابدل( اوختاي ) « امپرياليسمه قارشي سيلاحلي موباريزه يه قاتيلان و سونرا فاجيعه وي اؤلومو ايله بو يولدا جانيني فدا ائده ن » بير اينسان كيمي  اؤز ماراقليلارينا تانيش دير  . بودا  بللي دير كي عليرضا نابدل ايلك اؤنجه ايدئولوژيست بير اينسان اولموش دور . او ماركسيزم  ديه رلريني منيمسه ميش و سونرا كي آجيناجاقلي طالعيني نظرده توتساق بوتون حاياتيني و دوشونجه طرزيني، دونيايا و صنعته  باخيشيني دا بو ايدئولوژي چرچيوه سينده فرمالاشديرميش دير .

آردي وار/ardı var >>>

يازار هـ.شهبازی پنجشنبه 1386/09/29 ساعت 0:27 /لینک/(نقل با قيد منبع وبلاگ آزاد است)

مدرن شعریمیز – 12

ناصر مرقاتی

مودئرن شعره گؤره گئدن يازيلارين 11 نجی ساييندا حؤرمتلی ناصر بی منظوری دن بير مكتوب يازيلميشدی؛ سئوينديريجدير كی، بوردا اولان بحثلر، بير سيرا دوستلاريميزين ماراغينی چكه بيليديكده بئله بير ايچلنمَميش قونولارين آيدينلانماسينا مئيدان آچا بيلير. من ايسه اومورام كی ياخين گـَلجكده بو بحثلر داهادا اتَكلنسين.

آردي وار/ardı var >>>

يازار هـ.شهبازی سه شنبه 1386/09/27 ساعت 0:0 /لینک/(نقل با قيد منبع وبلاگ آزاد است)

مدرن شعریمیز – 11

آردي وار/ardı var >>>

يازار هـ.شهبازی شنبه 1386/09/24 ساعت 21:46 /لینک/(نقل با قيد منبع وبلاگ آزاد است)

مدرن شعریمیز - 10

عليرضا نابدل و مودئرن شعريميز

(ايكينجی بؤلوم)

ناصر مرقاتی

سهند،

1347 نجی ايلده صمدين آغيسيندا يازديغی :

قوربانيمی قبول ائيله آراز

نه يازيم صمد؟!

دنلی خرمنيمين يانماسين يازيم؟

سرين سو كوزمين جالانماسين يازيم؟

قيمتلی قاشيمين دوشوب سينماسين يازيم؟*

آردي وار/ardı var >>>

يازار هـ.شهبازی شنبه 1386/09/17 ساعت 0:8 /لینک/(نقل با قيد منبع وبلاگ آزاد است)

مدرن شعریمیز – 9

آذربایجان ادبیاتیندا مدرن لیین مرحله لری

همت شهبازی

حؤرمتلی ناصیر بی مرقاتی مدرن شعریمیز حاقدا چوخ ده یرلی فیکیرلر ایره لی سورور. اورادا عروض شعرینه و اؤزگه لشمیش شعر قالیب لرینه اشاره ائدیر. بو یازیمیزدا جناب مرقاتی نین یازیسی نین ایلکینی و بو یازارین کئچمیش مدرن لشمه مرحله لرینی نظره آلاراق، آیدینلانما دؤور شعریمیزی، و سونرا اونون ساهیره توخوندوغو مرحله نی، چاغداشلاشما دؤورونو، و 40 –جی ایللردن بویانا مدرن شعریمیزی آراشدیراجاغیق.

الف) آیدینلانما مرحله سی

چوخلاری مدرن لیین باشلانغیجینی ادبیات لا ایلگی لندیریرلر. اونلارین ...

آردي وار/ardı var >>>

يازار هـ.شهبازی سه شنبه 1386/09/13 ساعت 23:34 /لینک/(نقل با قيد منبع وبلاگ آزاد است)

مدرن شعریمیز – 8

عليرضا نابدل و مودئرن شعريميز

(بيرينجی بؤلوم)

ناصر مرقاتی

عليرضا نابدل و اونون ادبياتيميزدا هاردا دوردوسونا گؤره، حؤرمتلی دوستوموز هادی قارچايين يئرلی يئره بارماق قويماسی و سئويملی يولداشيميز همت شهبازينين صداقت و جسارتله اؤز يانيلماغينا بويون اولماسی، ياز نفسلی بير اسيم دير تنقيد شاختاسيندا. آنجاق هادينين مكتوبو ايكی چئيشدلی و عين حالدا ايلگيلی قونونو چئوره ديكده بو اوچ سورغويا جواب ايستير:

آردي وار/ardı var >>>

يازار هـ.شهبازی جمعه 1386/09/09 ساعت 15:58 /لینک/(نقل با قيد منبع وبلاگ آزاد است)

مدرن شعریمیز – 7

آذربایجاندا مدرن لیین مرحله لری

همت شهبازی

کئچن ساییمیزدا آوروپانین آیدینلانما دؤوروندن سؤز ائتدیک. ایندیسه آذربایجاندا کلاسیک دوشونجه یه قارشی اولان ایلک حرکت لردن سؤز ائده جه ییک. آذربایجان ضیالیسی مدرن چاغدان باشلایاراق عومومیتله اوچ مرحله نی سووشدورور. ایلک مرحله ده اونون اساس غایه سی، گله نه یین خورافه چی لییی و دینی فاناتیزمین علیهینه چیخماق، ایکینجی مرحله سیاسی لشمه مرحله سی دیر. بو دؤور رضاشاه و اؤلکه لر آراسی سینیرلار قویولدوغو چاغدان باشلایاراق یئرلی سیاستین قاداغالارینا اعتراض و عصیانکارلیق مرحله سی کیمی ضیالی لارین دوشونجه سینی مشغول ائدیر. اوچونجو مرحله 1340 –جی اون ایللیکدن باشلایاراق ایندی یه دک سورَن  ایکینجی مرحله نین داوامیندا اولاراق «کیملیک» دارتیشما مرحله سی دیر...

آردي وار/ardı var >>>

يازار هـ.شهبازی جمعه 1386/09/02 ساعت 0:17 /لینک/(نقل با قيد منبع وبلاگ آزاد است)

مدرن شعریمیز – 6      

گله نک و مدرن لیک

همت شهبازی

گله نه یی ( سنت ) بللی چرچیوه ده چؤزمک و اونون اؤزه ل سینیر و پیرینسیپ لرینی (اوصول) آییرد ائتمک هله ده دارتیشالی آنلاییشلاردان حئساب اولونور. اگر اونو دَبدن دوشموش ساییریقسا، اوندا بوتون یارانان یئنی لیک، دبلشدیکدن سونرا گله نه یه چئوریلیر. یعنی هربیر یئنی لیک اؤزلویونده گله نکسل دیر. چونکی یئنی لیک دئییلنده یالنیز بو دوشونجه آرایا گلیر؛ هئچ بیر شئی اؤزلویونده داواملی دئییل. هر بیر یئنی لیک باشقاسیلا یئرینی ده ییشیر. دئمک  ده ییشیلن یئنی لیک گله نه یه چئوریلیر و اونو اجتماعی چئوره اؤزونون اؤزه للیک لریله اویغون ...

آردي وار/ardı var >>>

يازار هـ.شهبازی سه شنبه 1386/08/29 ساعت 0:28 /لینک/(نقل با قيد منبع وبلاگ آزاد است)

حؤرمتلي همت شهبازي جنابلاري

منجه بو يازينيزدا (مدرن شعريميز 2) گلن آذربايجان سؤزونه " گونئي" سؤزونو علاوه ائتمك لازيم گؤرونور چونكي قوزئي آذربايجان دا ان آزي رسول رضاني نظره آلساق سيز دئديينيز " اوختاي " و" ساهير" دن چوخ قاباق بو شاعير سربست فورمادا ( احتياط لا مدرن ده دئسك ) شعر يازماغا باشلاميش دير و منيم بيلدييمه گؤره 1324 – جي ايل ده رسول رضا ايلك دفعه اولاراق تبريز ده بير شعر مجليسينده گونئي ليلرين قولاغينا هله ده يمه ميش يئني فورمادا شعر اوخوموشدور. بئله ليكله سانيرام كي سيزين بو يازينيزدا « آذربايجان» دان مقصدينيز گونئي آذربايجان دير و بونون قيد اولماغي ضروري دير.
* او مجليس اشتراكچي لاريندان شاعير لر عباس پناهي ، فتحي خوشكنابي ، مير مهدي اعتماد ، محمد بي ريا ، حبيب ساهير و مير مهدي چاووشي ده اولموشلار . 

ارسطو مجرد

حؤرمتلی دوستوم ارسطو

سیزین «گونئی» سؤزونو آرتیریلماسی فیکرینیز حاقدا دئمه لییم کی عومومیتله سیاسی لشمه دؤورونه دک ( رضاشاها قدر) ادبیاتیمیزدا اوتای بوتای سؤزو یوخدور. بیلدیینیز کیمی آخوندزاده، جلیل محمدقلیزاده، صابیر،  اوزئییر حاجی بی اوف بوتایین طالعی ایله علاقه دار اوقدر یازیب یاراتمیشلار کی اونون اوتای بوتایلی لیغینی گؤزه گلمیر. بونا گؤره ادبیاتیمیزدا سیاسی لشمه یه قدرجغرافیایی آیریلیغی گؤروموروک. بونا گؤره گونئی – قوزئی سؤزونو یالنیز سیاسی لشمه دؤوروندن بویانا ایشلتمک اولار کی سیز بورادا حاقلی سینیز. آنجاق بورادا بیر مسئله واردیر. اودا یازی لارین گئدیشاتی دیر. اونلارین گئدیشاتیندان بللی دیر کی صحبت قوزئی دن یوخ گونئی شعر و ادبیاتیندان گئدیر. بونا گؤره آذربایجان کلمه سیندن ساده جه  مطلبین اوزادیلماماسی اوچون یارارلانیریق. بونو نظره آلدیقدا رسول رضا دان سؤز ائتدیینیز قونو دا اؤز یوزومونو تاپیر. آدینی چکدیینیز شاعیرلر دوغرودور سربست لییی چئوره مه ین شاعیرلردیلر. آنجاق اونوتمامالییق کی ، رسول رضا باشلادیغی ایشه ، « ساهیر» او دؤورده أن آزی شعرین قورولوشو باخیمیندان قاتلاشمیشدی. – شهبازی

يازار هـ.شهبازی سه شنبه 1386/08/29 ساعت 0:25 /لینک/(نقل با قيد منبع وبلاگ آزاد است)

 [حؤرمتلی ناصیر مرقاتی و هادی قاراچای یازی لاریندا ایلک اؤنجه عومومیتله مدرن نه دیر و اونو اقتصادی، اجتماعی و سیاسی باخیمدان آراشدیرماسینی وورغولاییرلار. (سایین مرقاتی جناب لاریندان تشککور ائده رک اونون گئنیش اولاراق دوشونجه لرینی گؤزله ییریک) گلن سای لاریمیزدا بو حاقدا یازیمیز اولاراق ایلک اجتماعی مدرنیست لریمیزدن سؤز گئده جک دیر. لوطفا سیزده بو قونویا قوشولون. بو آذربایجانیمیز اوچون وئریملی دیر. – شهبازی]

 مدرن شعریمیز – 4

هادی قاراچای

سئویملی همت

اوختای شعریمیزین اؤزوده مدرن شعریمیزین أن ده یَرلی اؤرنک لرینی یاراتمیش شاعیریمیزدیر اوختایین شعرلری نین اؤزه للیک لرینی آراشدیرماق، استئتیکاسیندان دانیشماق منه دوشمز؛ آنجاق من بیر اوخوجو کیمی منی دوشوندورن، منه داد وئرن بللی نقطه لرین اوستونده دایانیب اؤز اوخوجو  آنلاییشیمی باشقا اوخوجولارلا بؤلوشه بیلرم.

آردي وار/ardı var >>>

يازار هـ.شهبازی جمعه 1386/08/25 ساعت 0:3 /لینک/(نقل با قيد منبع وبلاگ آزاد است)

hormetli shehbazi,

يازار هـ.شهبازی پنجشنبه 1386/08/24 ساعت 23:52 /لینک/(نقل با قيد منبع وبلاگ آزاد است)

مدرن شعریمیز (2)

اوختای :  مدرن  شعریمیزین  باشلانغیجی

همت شهبازی

عزیزیم هدایت

سیزین ایلک مکتوبونوزو آلاندان سونرا، بیر داها « آذربایجان  مدرن شعری» باشلیقلی کیچیک یازیما مراجیعت ائتدیم و اورادا سیزین دوغرو اولاراق «اوختای» حاقدا سؤیله دیینیز «دیققت سیزلییی» دویدوم. اؤزوده «اوختای» بویدا بیر دیققت سیزلییی.

یازیدا 70-جی اون ایللیکدن بویانا مدرن شعریمیزین باشلانماسینی وورغولامیشام و بو آرادا چوخ اوزاق زامانلاردا یازیب یارادان مدرن شاعیریمیز علیرضا اوختای اونودولموشدور. بو، دیققت سیزلیک اولاراق، هم ده بؤیوک انصافسیزلیق دیر. البتده من «نقد شعر معاصر آذربایجان» کیتابیندا اونون حاققینی یئرینه یئتیرمیشم. آنجاق او کیتابدا ساده جه «مدرن شعریمیز» بؤلومو یوخدور؛ و طبیعی کی ...

آردي وار/ardı var >>>

يازار هـ.شهبازی دوشنبه 1386/08/21 ساعت 23:44 /لینک/(نقل با قيد منبع وبلاگ آزاد است)

[سئویملی شاعیریمیز هادی قاراچایین بو یازیسی حاقدا گله جک گون لرده فیکیرلریمی یایاجاغام. عینی حالدا سیزین ده فیکیرلرینیزی ائشیدیب یایماغا حاضیریق . شهبازی]

مدرن شعریمیز (1)

هادی قاراچای

عزیزیم همت

وئبلاقیندان چوخ داد آلدیم. گئرچکدن باشاریلی ایش باشلامیسان. «باش چیخاران اؤلوم» کیتابینا یازدیغین کیچیک و تله سیک بیر یازینی اوخودوم، کیچیک دئدییمده حجمینی نظرده آلیرام و تله سیک دئدیکده منجه بؤیوک بیر یانلیشا یول وئریلدیینی نظره آلیرام. مدرن شعرین تاریخینی 70-جی ایللره گتیرمک ایکی اؤنملی شاعیرین یارادیجیلیغینی گؤزدن قاچیرماقلا مومکوندور:

1)     سهند

2)     اوختای

سهند یا اوختایین مدرن شاعیر اولوب اولمادیغینی دارتیشماقدان اؤنجه مدرن شعرین نه اولدوغونو دارتیشمالییق. من صلاحیت لی تنقیدچی اولمادیغیمی بیلدییم اوچون بو یازینی سنین وئبلاغینا دئییل، ایکیمیزین آرامیزدا کئچن بیر مکتوب اولاراق سنه گؤندریرم. مدرن شعر حاققیندا آنلاییشیمی سنه داها اؤنجه ده آنلاتمیشدیم.

ندن لریمیز فرقلی اولسا بئله سنینله بیرلیکده «ساهیر»ین مدرن شاعیر اولمادیغینا اینانیرام. سهندین شعرلرینده ایسه   ...

آردي وار/ardı var >>>

يازار هـ.شهبازی جمعه 1386/08/18 ساعت 23:52 /لینک/(نقل با قيد منبع وبلاگ آزاد است)