دوشرگه dusharge

شعر: حميد شهانقي 

سون قويماق ايسته‌ديم 
سونسوزلوغوما 
اوچماق ايسته‌ديم 
قيرخ آلتي تون‌لوق داش باغلاديلار 
  قانادلاريما 
سانكي بابالاريمين تؤره‌مه‌سي دئييلديم 
ياشاديم قانسيزـ دامارسيز.
قيرخ آلتي تون‌لوق بير 
گوناه بوينومدا 

آردي وار/ardı var >>>

يازار هـ.شهبازی سه شنبه 1388/04/09 ساعت 22:29 /لینک/(نقل با قيد منبع وبلاگ آزاد است)

 ان سئويملي کيتابي نين ايچينده...

جاويدان (Cavidan)

  من سنين  
  بير آز ائتنيک  
  و بير آز دا ائکزوتيک*  
  ياباني داغ گولونم...  
   
   
  مني  
  کيمسه يه وئرمه يه  
  الين گلمز،  
  بيليرم...  
   
  اؤنجه بارماقلارينا،  
  سونرا کؤکسونه  
  قيسيلاجام،  
  اوستومه هوپاجاق  
  بدني نين قوخوسو...  

آردي وار/ardı var >>>

يازار هـ.شهبازی شنبه 1388/03/30 ساعت 23:9 /لینک/(نقل با قيد منبع وبلاگ آزاد است)

بو گون يعني ايونون اوچو (3 ژوئن) تورك دونياسي نين بؤيوك شاعيري ناظيم حكمتين اؤلوم

گونودور. اونو بير يازيلا آنيريق. 

ناظیم حکمت

{تورک شعری نین N ویتامینی}

یازان : جمال ثریا                                             كؤچورن: همت شهبازی

ناظیم حکمتین ياراديجيليغيني اوندان اؤنجه کی يازيب ياراتميش بیر تورک شاعیرینه باغلاماق اولدوقجا چتین دیر. حال بو کی چاغداشی " نجیب فاضیل"-ه بیر یئرده " یونوس امره " نی، بیر یئرده ده « سلیمان نظیف »ی کؤک اولاراق قبول ائتمک مومکوندور. حتتا نجیب فاضیلی «نفعی» یه بئله باغلايا بیله ریک بیر آز زورلایاراق. ناظیم حکمت اوچون تكجه «پیر سلطان آبدال» ی سؤیله یه جه ییک. او دا چوخ ضعیف، بلکه ده یانیلدیجی اولاجاق. اونون شعری تورک صنعتی ایچینده یئنی بیر گیریشیم گتیریرکن یئنی بیر بیچیمی [فورما] ده گؤستریر. 
ناظیم حکمت ده داها چوخ 1917 انقلابی نین اول لرينده مشهور اولموش روس شاعیرلری نین، اؤزه للیکله مایاکوفسکی نین ائتکی لری وار. آنجاق بو ائتکی خارجی بیر ائتکی دیر. بعضی شعرلری نین بیچیمی ایله و عومومی پلانلاریلا ایلگی لی دیر. شعر دوروملاری نین ایچه ریسینده ایکی شاعیر قطعی اولاراق آیریلیرلار. مایاکوفسکی نین شاللاقلایان دیلی و کلمه لری تاختا رف لردن تئز تئز چکن گئومئتریک [هندسی] بیر چالیشماسی واردیر. 

آردي وار/ardı var >>>

يازار هـ.شهبازی چهارشنبه 1388/03/13 ساعت 1:8 /لینک/(نقل با قيد منبع وبلاگ آزاد است)

شعر معاصر آذربايجان - 11 

گمشده

حميده رئيس زاده "سحر"                                               ترجمه : همت شهبازي

در سكوت تاريك شب 
كودكي زندگي را مي‌گريد 
مثل صداي ليز ترمز  
بر روي آسفالت خط كجي باقي مي‌ماند 
  از دنياي گذرا. 
از نفس‌هاي پنهاني 
صداي ساعت مي‌آيد 
پنجره‌ها مثل يك فحش سنگين هستند
بر گوش‌هاي كر 
 در دنياي پر هياهو. 
زمان پيچيده بر دستهايم مثل پيچك  
از پشت تار عنكبوت هنوز هم در انتظارم است. 

آردي وار/ardı var >>>

يازار هـ.شهبازی جمعه 1388/03/08 ساعت 22:55 /لینک/(نقل با قيد منبع وبلاگ آزاد است)

   بيرنفسه - 3

   ژاله

مني آلچا چيچکلري نين آهي توتدو -  
  اوره ييم گئديردي اونلاري بوداقلي-زادلي  
  قيرديرماق اوچون...  
  منه اريک چيچکلري قارغيش ائله دي -  
  قوخوسوندان دويمازديم...  
  بوتون ساري گوللرين غضبينه گلديم -  
  هاميسيندا گؤزوم قالاردي...  
  چيچکلرين ده مني سئوديينه  
  ايناناجاق قدر خوشبخت گونلريم واردي...

آردي وار/ardı var >>>

يازار هـ.شهبازی سه شنبه 1388/03/05 ساعت 0:3 /لینک/(نقل با قيد منبع وبلاگ آزاد است)

  پست مدرنيزم

 
Postmodernizm is not what you think

 فرهاد آمور  (fərhad amur)

  پست مدرنيزم، قانونسوزلوغون قانون، اؤلکه سيزليين اؤلکه اولدوغو گؤروش، ياخود حيات طرزيدير. مدرن گؤروشون قارشيسينا آلتئرناتيو قويان بير گؤروش و تئخنولوژي اينکيشافي طبيعتله بوتونلشديريب اونون بير پارچاسييميش کيمي ياشايان اينسانلارين دوشونجه سينه تطبیق ائتمکدير.  
  چيخيش نؤقطه سيني 1972-جي ايلده آمريكادا، نظري قايناغيني ايسه فرانسيز پست-استروکتوراليست {پست قورولوشچو} آخيميندان، ژان-فرانسوا ليوتاردين 1979-جو ايلده يازديغي "پست مدرن دوروم" آدلي کتابيندان آلدي. مدرنيزمين (اولينده) سونراسيندا دئمکدير. معنا قايغيسي گودمه دن اينجه صنعتي آتوميزه ائتمکدير- عينن اينيشتينين نيسبي ليک نظريه سي کيمي.  

آردي وار/ardı var >>>

يازار هـ.شهبازی جمعه 1388/03/01 ساعت 1:32 /لینک/(نقل با قيد منبع وبلاگ آزاد است)

ALMANİYA ŞEİRİ-5 

ÇEVİRƏN:   ƏZİZ SƏLAMİ
www.aziz-salami.info 
 

THEODOR STORM  (1817-1888)

TƏSƏLLİ

Nə gəlirsə bizə doğru, gəlsin, nə qəm!
Sən mənimləsən, mən işıq gündüzdəyəm.

Çıxıram bu böyük dünyaya mən
Harda olsan, mən də orda evimdəyəm.

O sevgili üzünü hər vaxt görərkən
Uzaqlaşıram gələcəyin kölgələrindən

آردي وار/ardı var >>>

يازار هـ.شهبازی دوشنبه 1388/02/28 ساعت 14:55 /لینک/(نقل با قيد منبع وبلاگ آزاد است)

مدرن لیین باشلانغیجی

یازان : علی آکای (ali akay)                    چئویرن: همت شهبازی

هابئرماس «مدرن لیین فلسفی سؤیلمی ( گفتمان )» آدلی کیتابیندا « فوکو، باتایل و دئریدا»نی یئنی قورولوشچو ( نئو استروکتورالیست) اولاراق تنقید ائدیر. ایلک اولاراق «هئگئل»ین ایشلتدییی بیر سؤزجوک اولان « مدرنیته »، هابئرماسین دوشونجه سینده تاریخی بیر باغلامدا ایشله نیلمیشدیر. بو ایسه، انگلستان دا «یئنی زامان لار» و عینی زاماندا فرانسادا « مدرن چاغ» آنلامیندا ایشله نیلمیشدیر. بو آشاغی یوخاری 1800 جو ایل لری چئوره ییر. او تاریخ لرده ایسه مدرنیته کئچمیش اولان 300 ایلی قاپساماقدایدی. یئنی دونیانین دوزه لیشی، رونئسانس و رئفورم ( بوتون بونلار1500 جی ایللری چئوره ین اولای لاردیر) یعنی اورتاچاغ ایله مدرن زامانلار آراسینداکی تاریخی کؤرپونو چئوره ییر. هئگئل عینی شکیلده بو مدرن سؤزجویونو، خیریستیان ژئرمانیک دونیاسینی آچیقلاماق اوچون ایشله دیر کی بو دا اسکی یونان – روم ایله باغلی دیر. گؤروندویو کیمی، مدرن سؤزجویو تاریخی اوزانتیسی بللی اولمایان آمما مکانی آوروپا بؤلگه سی اولاراق بلله نن بیر یئری قاپساماقدادیر. بیر چین مدنیتی و یا هیندوستان و یا شرق بیلیمی اوچون «مدرن لیک» سؤزجویو ایشله نیلمکده دیر....

آردي وار/ardı var >>>

يازار هـ.شهبازی سه شنبه 1388/02/22 ساعت 0:36 /لینک/(نقل با قيد منبع وبلاگ آزاد است)

فئنومئنولوژی (گؤرونگوبیلیم) نه دیر؟

آذربایجان تورکجه‌سینه اویغونلاشدیران: رامین جباری

بیلیم وئری‌لرینین(data) دوزگون اینجه‌له مه‌سی ایله الده ائدیلمیش و سوموت (1.ماده سل 2.کونکرئت) تجروبه قونوسو اولموش فئنومئن‌لره (گؤرونگولره)، ندنسل آچیقلاما‌لارلا ایلگی‌لی قاورام‌لاردان و آراشدیریلمامیش اؤن قبول‌لاردان باغیم‌سیز یاناشما یؤنتمی‌دیر (method). فئنومئنولوژي نين (گؤرونگوبیلیمین) قوروجوسو آلمان دوشونری Edmund Husserl-‌دیر. اونون دوشونجه‌سینه گؤره گئرچک، Platon-ون دا ایره‌لی سوردوگو کیمی، موطلق اولما‌لیدیر. باشقا سؤزله هر نسنه‌نین (اوبیئکت) بیزیم اونا وئردیگیمیز آنلامین و یاراشدیردیغیمیز خصوصیت‌لرین دیشیندا، اؤزگو (اؤزونه خاص) و اؤزونده اولان، هر زاماندا کئچرلی و دییشمز بیر قورولوشو واردیر. نسنه (اوبیئکت)، اینسانلارین دئییل، اینسانلارین دیشیندا اؤنجه‌سیز و سونرا‌سیز بیر نسنه‌لر دونیاسینین وارلیغی‌دیر. فیزیکین محصولو اولمادیغی کیمی مئتافیزیکین ده محصولو دئییل، اؤز موطلق قورولوشو ایچینده‌دیر. گئرچک، بئله‌سینه ایدئال بیر قورولوش داشییانین اؤزللیگی‌دیر. Husserl، بو تئزی ایله تامامیله Platon-ون تئزینه یاخینلاشیر. 

آردي وار/ardı var >>>

يازار هـ.شهبازی جمعه 1388/02/18 ساعت 15:46 /لینک/(نقل با قيد منبع وبلاگ آزاد است)

Şeirlər :    ƏZİZ SƏLAMİ

www.aziz-salami.info  



QAĞAYI


Qumsalda 
Bir neçə
Quş izləri

Qağayıların qoyub getdiyi.

...     

آردي وار/ardı var >>>

يازار هـ.شهبازی سه شنبه 1388/02/15 ساعت 23:0 /لینک/(نقل با قيد منبع وبلاگ آزاد است)

بخشي از كتاب "نقد شعر معاصر آذربايجان" ، صص 274- 266 : 

«ياشيل ماهني» و ليريسم اجتماعي "سحر" 

همت شهبازي

يكي از ويژگيهاي مورد پسند «ياشيل ماهني» را بايد در طرد فضاهاي دروغين محتوا و فرم آن دانست. صداقت ويكرنگي محتوا، صداقت فرم را نيز به همراه دارد. نمايش اجتماع در اين اثر، گاه به شيوه ليريسم دراماتيك است و گاه وجهه تراژدي‌وار بخود مي‌گيرد. تركيب اين دو براي شعر زيباترين خصيصه را كه همانا «ليريسم اجتماعي» است به ارمغان داشته است: 

سونرا گونش گلدي 
گئنيش هاوالاردا 
سئودا ماراقلانيردي 
ساچلاريمدا طراوت 
آتوشگه‌سيز باخيشلارين محله‌سينده 
كوچه‌لر كوسگون 
قاپيلار بويله ‌قده‌ر كيچيك دئييرديلر… 

آردي وار/ardı var >>>

يازار هـ.شهبازی جمعه 1388/02/04 ساعت 2:55 /لینک/(نقل با قيد منبع وبلاگ آزاد است)

گيزلي اوره‌ك 

شعر : همت شهبازي 

دئييرسن : 
سئودانين آيريميندا 
ماوي گؤيله دنيزين 
قارين‌ـ قارين اوْتوروشونا باخ! 

بيليرسن : 
منده دنيزين قدرتي يوخ 
سوْيوق مئشه‌نين اوزونه چيرپام. 
گؤيون گئنيشلييي يوخ 
ايليق اوره‌ييمي ايسينديرم. 
اللريمده 
بوْشلوق توْمورجوغو 
ديليمده : 
يالنيزليق ماهنی سیندان باشقا 
                              تحفه‌م يوخ. 
اوره‌ييمي گيزلتميشم 
و سئوگي‌لريم 
سارماشيق كيمي 
 ساريليبدير اوره‌ييمه. 

يازار هـ.شهبازی چهارشنبه 1388/02/02 ساعت 0:16 /لینک/(نقل با قيد منبع وبلاگ آزاد است)

قيرميزي عاغيل

(عقل سرخ)

شيخ شهاب الدين سهروردي 

  رحمان و رحيم اولان آللاه’ين آدييلا  
   
  شوکورلر اولسون او سولطانا کي هر ايکي عالم مولکونون صاحیبيدير. وار اولان هر بير شئي اونداندي. وار اولان هر شئي اونون وارليغييلادير. وار اولاجاق هر شئي اونون وارليغيندان اولاجاقدير. او اول دير، آخيردير و ظاهيردير، باطيندير و او هر شئيي گؤرندير.  
  سالام و دوعا ياراديلميشلارا، گؤندرديگي ائلچيلرينه اؤزلليکله ده اونونلا نبوتي سونلانديرديغي محمد مختار’ا، اصحابينه و دين عاليملرينه -رضوان الله عليهم اجمعين- اولسون.  
   
  دوستلاردان عزيز بير دوست بيزدن بير سوال ائتدي:  
  -قوشلار بيربيري نين ديليني بيلير مي؟ 

آردي وار/ardı var >>>

يازار هـ.شهبازی شنبه 1388/01/29 ساعت 0:41 /لینک/(نقل با قيد منبع وبلاگ آزاد است)

اینسان اوستوچولوک(Uebermensch)

(اوستون اینسان... آلمان دوشونری Nietzsche طرفیندن تئرمینلشدیریلن دئییم)

آذربایجان تورکجه‌سینه اویغونلاشدیران: رامین جباری

 

Nietzsche، بو دئییمی بئله تعریف‌لر: "مئیمونلا موقاییسه‌ده اینسان نه ایسه، اینسانلا موقاییسه‌ده اینسان اوستو ده اودور." بیر باشقا اثرینده ده بئله دئییر: "اینسانلیق ایچینده، اورتالاما اینساندان باشقا، داها یوکسک و داها گوجلو بیر اینسان نؤوعونون گئرچکلشمه‌سی لازیمدیر. بو دوشونجه می من اینسان اوستو سؤزجوگو ایله دیله گتیریرم". Nietzsche - یه گؤره تانری اؤلموشدور، اینسان آرتیق یالقیزدیر و اؤز دیرلرینی اؤزو یاراتماق مجبوریتینده‌دیر. اینسان اوچون لازیم اولان اردم، خریستیانلیغین آجیما و اینسان سئوگی‌سی کیمی اینسانی ضعیف و یازیق اردملری دئییل، گوجلو اولما اردمیدیر.

آردي وار/ardı var >>>

يازار هـ.شهبازی سه شنبه 1388/01/25 ساعت 23:1 /لینک/(نقل با قيد منبع وبلاگ آزاد است)

اینسانچیلیق (Humanism) ندیر؟

آذربایجان تورکجه‌سینه اویغونلاشدیران: رامین جباری

 


Alm. Humanismus ، Fr. humanisme ، İng. humanism ، Lat. humanus = اینسانجا، اینسانا اؤزگو (خاص)، اینسانا باغلی

اینسانلیغا، اینسانا یاراشان بیر حیات و دوشونمه‌یه چاتماق اوچون چالیشماق. بو دسته‌ده: 

1. (گئنل‌لیکله) قاورامین ان گئنیش آنلامیندا، اینسانین دیر و سایقین‌لیغینا (مؤحترم‌لیگینه)، اینسان اولماغا ، اینسانلیغا اولان اوس (عاغیل) اینانجی.

2. باتی کولتورونون و ائییتیمی‌نین اسکی یونان کولتورونه سؤیکنمه‌سیندن یولا چیخا‌راق بو کولتور ایرثی‌نین بیلیمسل (علمی) اولا‌راق یئنی‌دن جانلاندیریلماسی دوشونوشو. 

آردي وار/ardı var >>>

يازار هـ.شهبازی سه شنبه 1388/01/25 ساعت 22:57 /لینک/(نقل با قيد منبع وبلاگ آزاد است)

کارل گوستاو يونگ

رئال و سوررئال

چئويره ني: مسيح اغا محمدي

«سوررئال»ين منيم اوچون هئچ بير معناسي يوخدور. رئالليق منيم آنلاماغا قادير اولدوغوم شئي لري احتيوا ائدير. منه تاثير گؤسترن، منده دويغو اويادان هر بير شئي رئال و اوبيئکتيودير. اگر بير شئي منده دويغو اوياتميرسا و منه معين تاثير گؤسترميرسه، منيم اوچون قارانليق قالير و من اونو درک ائده بيلميرم. بونا گؤره ده من يالنيز رئال شئي لر باره ده محاکمه يوروده، فيکير سؤيله يه بيله رم، «ايررئال»، «سوررئال» و «سوب رئال» شئي لر باره ده يوخ!.. رئالليغين، نئجه دئيرلر، «ماددي»، «غئير-آبستراکت» {مجرد، سويوت، معنا} و دويولان عالم له محدودلاشديريلماسي خوصوصي تفککور طرزي نين نتيجه سي و محصولودور: ائله بير تفککورون کي، اونيوئرسال ساغلام دوشونجه نين بونؤوره سيني و ديلدن عادي قايدادا استفاده نين اساسيني تشکيل ائدير. رئالليغين بو جور قاوراييشي بئله بير مشهور مدعايا سؤيکه نير کي، اينسانين پسيخيکاسيندا دويولان شئي لردن اؤزگه بير شئي يوخدور. حال بو کي پسيخيکانين مضمونونون بؤيوک بير حيصه سي حيسسي قاوراييشلاردان دوغمور. يوخاريداکي مؤقعه گؤره، يالنيز حيس لر واسيطه سيله ،

آردي وار/ardı var >>>

يازار هـ.شهبازی یکشنبه 1388/01/23 ساعت 0:6 /لینک/(نقل با قيد منبع وبلاگ آزاد است)

ƏZİZ SƏLAMİ:

ŞEİRLƏR

www.aziz-salami.info

GÜLBƏSƏRLİ, ULDUZLU NAĞILLAR

-Süd anam ”Yemən nənə”mi düşünərkən-

Axşam oldumu
Əl-ayaq çəkildimi
Çöl-bayırdan,
Sığınardıq
Daxmamızın isti qoynuna.

Anam sərərdi süfrəmizi
Naxışları çoxdan solan
Kilimin üstünə!

آردي وار/ardı var >>>

يازار هـ.شهبازی جمعه 1388/01/21 ساعت 1:34 /لینک/(نقل با قيد منبع وبلاگ آزاد است)

"ژاله" و "رقيه" نين حئكايه لري: سوژئت و کومپوزيسييا

يازار: جوانشير يوسيفلي (cavanşir yusifli)

   

  " ...گؤزله مک لازيمدير، - هامي بو نتيجه يه گلميشدي، - بئله وضعييتين نه ايله قورتاراجاغيني هئچ کس دئيه بيلمز، يئگانه علاج گؤزله ميه دي، دوکتور رايموندي ائله بونو دئيير، - مئچينانين ياشيندا بوندان دا بئتر حاللارلا راستلاشيرسان، جناب بوتتو، گؤزله مکدن باشقا اوميديميز يوخدو کي… آنجاق آخي او، ايکي هفته دير کي، ياتير، اويانماق بيلمير، دوکتور، آخي او، دوز ايکي هفته دير کي، ياتاغيندا اؤلو کيمي اوزانيب. - بيليرم، سئنيورا لويسا، بو، کومانين کلاسسيک حاليدير، آنجاق… نه ائده بيلريک، گؤزله مک، يئنه گؤزله مک…"  
   
  بو سطيرلر خوليو کورتاسارين "قورخولو يوخولار" حئكايه سيندندير. واختيله ترجومه ائله دييم بو حئكايه ني تئز-تئز خاطيرلاييرام. سونونجو دفعه تبريزلي رقيه صفري نين و ايمضاسي اوخوجولارا ياخشي تانيش اولان ژاله نين حئكايه لريني اوخوياندا خاطيرلاميشام. آنجاق اوخشاتماق، پارالئللر قورماق، کئچيد سالماق معناسيندا يوخ، يادا دوشمه سؤوق-طبيعي آلينيب. يوخو کيمي، ائله بيل هاچانسا بو حياتي يوخومدا گؤرموشم. 

آردي وار/ardı var >>>

يازار هـ.شهبازی دوشنبه 1388/01/17 ساعت 23:50 /لینک/(نقل با قيد منبع وبلاگ آزاد است)

پست فئمینیزم

(گئنل بیلگی)

آذربایجان تورکجه سینه کؤچورن: رامین جباری
  Raminmuganli@yahoo.com  

پست مدرن فئمینیزم، فئمینیزمین 20-جی یوزایل فلسفه‌سینده و پست مدرن دوروم ایچینده گؤتوردوگو تئوریک و پراکتیک مؤوقع (قونوم) ایله شکیللنمه‌سینی ایفاده ائدر. فئمینیست تئوریسی ایله پست قورولوشچولوق (post structuralism)آراسیندا قورولان یاخینلاشمانین اورونو (محصولو) اولا‌راق گئرچکلشیر.

بو مؤوقع قارماشیق و دارتیشما‌لی‌دیر؛ چونکی بیر طرفدن فئمینیزمین مدرنیزم-پست مدرنیزم دارتیشماسینا دایر سؤیله‌یه‌جک چوخ بیر شئیلری اولمادیغی دوشونجه‌سی واردیر، باشقا یاندان پست مدرن دوشونجه‌نین اولوشوموندا و پست مدرنیزمه دایر ایفاده‌نین قورولوشوندا فئمینیزمین ایشتیراک ائتدیگی ادعاسی سؤزقونوسودور. یاخیندان باخیلدیغیندا اولدوقجا چوخ سایلی قادین یازار و تئوریسینین هم فئمینیست هم ده پست مدرنیست بیر مؤوقعدن دانیشدیقلارینی گؤرمک مومکوندور. بو مؤوقع ایچیندن چیخاریلان فئمینیزم عمومیتله پست مدرن فئمینیزم آدلاندیریلماقدا‌دیر.

آردي وار/ardı var >>>

يازار هـ.شهبازی پنجشنبه 1388/01/13 ساعت 3:14 /لینک/(نقل با قيد منبع وبلاگ آزاد است)

ايمپئراتورون سيفاريشي

فرانس کافکا                         چئويره ني: مسيح آغا محمدي

 

  بئله نقل ائديرلر کي، ايمپئراتور سيزه - تنها بير آداما، اؤزونون ان آشاغي مؤقع لي تبه سينه، ان اوزاق مسافه دن ايمپئرييا گونشي نين قارشيسيندا ايکي قات اَييلميش جيليز کؤلگه يه سيفاريش گؤندرميشدير؛ ايمپئراتور اؤلوم ياتاغيندا شخصن سيزه سيفاريش گؤندرميشدير. او، ائلچي يه امر ائتدي کي، ياتاغي نين کناريندا ديز چؤکسون. سونرا سيفاريشي چوخ اهميتلي سايديغي اوچون ائلچي يه گؤستريش وئردي کي، آغزيني اونون قولاغينا ياخينلاشديريب دئديکلريني تکرار ائله سين. سونرا باشي ايله تصديقله دي کي، سيفاريشي دوزگون تکرار اولونوب. بلي، اونون اؤلومونون شاهيدي اولماق اوچون توپلاشان - آراکسمه لر گؤتورولموشدو و ايمپئرييانين بوتون گؤرکملي شخصيتلري هوندور، گئنيش پيللَکه نين باشيندا دؤوره وورموشدولار - اعيانلارين قارشيسيندا ايمپئراتور ائلچي يه گئتمک امري وئردي.  

آردي وار/ardı var >>>

يازار هـ.شهبازی جمعه 1388/01/07 ساعت 13:46 /لینک/(نقل با قيد منبع وبلاگ آزاد است)